филиал вгтрк государственная телерадиовещательная компания “Алания”

Уæрæсейы Наукæты академийы академиктæ стæй Мæскуыйы геологон æмæ геофизикон институтты кусджытæ абон Дзæуджыхъæуы архайынц æппæтуæрæсеон конференцийы æмæ ныхас кæнынц, Кавказы геологон æмæ техногенон фæзындтыты аххосæй цы æрдзон фыдбылызтæ æрцæуы, уыдоныл. Æртæ боны дæргъы уазджытæ æмæ фысымтæ зонгæ кæндзысты кæрæдзийы фæлтæрддзинадимæ, вулкантæ срæмудзынæй цас тæссаг у æмæ рагагъоммæ зæххæнкъуыстытæ сбæрæг кæныныл куыд кусынц, уыимæ. Æрдзурдзысты тæссаг æрдзон фæзындтытыл, зæххы лæбырдтытыл, зæйтыл æмæ æндæр æнæнхъæлæджы уавæртыл. Конференци цæуы цыппар секцимæ гæсгæ, Цæгат Кавказы Хæххон-металлургон институты. Йæ саразджытæ сты – Уæрæсейы наукæты академийы дзæуджыхъæуккаг наукон центр, геофизикон иртæстыты центр æмæ нæ республикæйы хицауад. Ахсджиаг ныхасы архайынц Кæсæг-Балхъары, Цæцæны республикæйы, Азербайджаны ахуыргæндтæ æмæ уæрæсейы алы регионты минæвæрттæ.

Къусраты Анатолий, Дзæуджыхъæуы наукон центры сæрдар, профессор: « Ацы конференцийæн йæ ном йæ уæл. Ныхас цæуы ахсджиаг хъуыддæгтыл, зæххынкъуыстытæ, вулкантæ… ныхас сыл æнæмæнг хъæуы кæнын».