филиал вгтрк государственная телерадиовещательная компания “Алания”

Фыццæгæм октябры райдыдта æфсадмæ сидыны фæззыгон кампани. Ацы аз Уæрæсейы гæрзифтонг тыхты Цæгат Ирыстонæй службæ кæндзæн 630 адæймаджы. Республикæйы æфсæддон комиссарады куыд зæгъынц, афтæмæй фæстаг рæстæг æрыгон лæппутæм фæзынд фылдæр цымыдисдзинад. Фæнды сæ паддзахады раз сæ хæс, куыд æмбæлы, афтæ бафидын. Æфсадмæ сидыны фæтк баззад, куыд уыди, афтæмæй. Æмгъуыдмæ службæйы рæстæг у дыууадæс мæйы. Сæйраг домæн та – медицинон æркаст ацæуын. Лæппутæн кæсынц се нæниздзинадмæ, сæ психологон уавæрмæ. Ахсджиаг ма уый у, æмæ бирæтæн нырæй фæстæмæ ис фадат, службæйы фæстæ куысты ныллæууынæн дæр. Цæгат Ирыстоны сиддонты æфсæддон хæйттæм æрвитдзысты 30-æм октябры онг.

Хъалæгаты Алан, РЦИ-Аланийы æфсæддон комиссарады хайады кусæг: «Фæстаг рæстæг фылдæр лæппутæн сæхи фæнды æфсадмæ. Акæсут ма цас сты, уымæ. Æхсызгон уый у, æмæ хъусынгæнинаг кæмæ нæ арвитынц, уыдон дæр сæхæдæг æрбацæуынц комиссарадмæ».