10 октября 2014, 13:58
Рахизфарсы районы центрон рынт æрцыд ног гемодиализы центчындоны арæзр
Уыргты низæй чи тыхсы, уыцы адæмæн хуыздæр æххуыс кæнынæн Рахизфарсы районы центрон рынчындоны кæрты арæзт æрцыд ног гемодиализы центр. Ахæм кусæндон у æнæмæнг хъæугæ, уымæн æмæ иудадзыг кæй хъæуы, ахæмтæ нæ республикæйы ис 250-мæ æввахс. Центры цæттæдзинад абон сбæрæг кодтой республикæйы Сæргълæууæг Мамсыраты Таймураз æмæ Федерацийы Советы уæнг Хацъæты Олег.
Уыргты низæй чи тыхсы, уыцы адæмæн хуыздæр æххуыс кæнынæн Рахизфарсы районы центрон рынчындоны кæрты арæзт æрцыд ног гемодиализы центр. Ахæм кусæндон у æнæмæнг хъæугæ, уымæн æмæ иудадзыг кæй хъæуы, ахæмтæ нæ республикæйы ис 250-мæ æввахс. Центры цæттæдзинад абон сбæрæг кодтой республикæйы Сæргълæууæг Мамсыраты Таймураз æмæ Федерацийы Советы уæнг Хацъæты Олег.
Рынчынтæм зилынæн гемодиализы центры цы фадæттæ конд æрцыд, нырыккон домæнтæн дзуапп куыд дæтты, уымæ æркæсынæн кусæндон бабæрæг кодта республикæйы Сæргълæууæг Мамсыраты Таймураз. Ныридæгæн дзы арæзтадон куыстытæ кæронмæ фесты, æппæт кусæнгæрзтæ æвæрд æрцыдысты, центр æххæст у æппæт специалисттæй. Зæрдæ дарæн ис, рынчынтæ хæрзхъæд лæггæдтæ кæй исдзысты.
Уыргты низæй чи тыхсы, уыдоны нымæц нæ республикæйы хæццæ кæны 250-мæ. Ахæм центртæ та сын сты царды хос. Беслæны кæй скодтой, уый, Федарацийы Советы уæнг Хацъæты Оледжы бадзырдтæм гæсгæ, ифтонг у, дунейы гемодиализæн æппæтæй хуыздæр теххнологитæ чи уадзы, уыцы компанийы кусæнгæрзтæй æмæ хъуамæ архайын райдайа цалдæр къуырийы фæстæ.
Гемодиализы центры бæстыхай арæзт æрцыд, кусæнгæрзтæ йын цы компани æрбарвыста, уый проектмæ гæсгæ. Нырма уал дзы уыцы иу рæстæг лæггад кæнæн уыдзæн 10 адæймагæн. Процедурæ дæргъвæтин кæй хæссы, уый тыххæй дзы ахæм фадæттæ скодтой, цæмæй рынчынтæ къаддæр тыхсой æмæ сæ рæстæг æнцондæрæй æрвитой.
Фæрниаты Мæдинæ
темæмæ гæсгæ
