20 ноября 2014, 17:54
Дзæуджыхъæуы аэропортæй рейсытæ сног кæндзысты ног къуыри
Фæлæ авиарейсытæ уыдзысты æрмæстдæр боныгон, стæй хорз боныхъæд куы уа, уæд. Æхсæвыгон та цæудзысты цалцæггæнæн куыстытæ. Абон аэропорт инспекциимæ бабæрæг кодтой республикæйы сæргълæууæджы цур къамисы уæнгтæ æмæ Уæрæсейы техникон цæстдарды специалисттæ.
Дзæуджыхъæуы аэропортæй рейсытæ сног кæндзысты ног къуыри. Фæлæ авиарейсытæ уыдзысты æрмæстдæр боныгон, стæй хорз боныхъæд куы уа, уæд. Æхсæвыгон та цæудзысты цалцæггæнæн куыстытæ. Абон аэропорт инспекциимæ бабæрæг кодтой республикæйы сæргълæууæджы цур къамисы уæнгтæ æмæ Уæрæсейы техникон цæстдарды специалисттæ. Скодтой цалдæр фиппаинаджы, æмæ сыл аразджытæ æнæмæнг бакусдзысты. Объектæн дзуапп дæтты компани «Стройновация». Уæ зæрдыл уын æрлæууын кæгдзыстæм, аэропорт сæхгæдтой дыууæ мæйы размæ. Уымæн æмæ дзы хъуыди бындурон цалцæггæнæн куыстытæ бакæнын. Ахæм егъау рацарæзт аэропорты нæ цыд 30 азы бæрц.
Гæззаты Лев, æнæххæстбарджын æхсæнад «Æппæтадæмон аэропорт «Дзæуджыхъæу»-ы генералон директор: «Ис проблемæтæ, æркæсын сæм хъæуы. Генераон подрядчик чи у, уый сæ зоны уымæ сæ радтой, æмæ куыд загътой, афтæмæй къуырисæ, дыццæгмæ сæ сæххæст кæндзæн æмæ та ногæй бадзуродзысты техникон цæстдарды кусджытæм, æмæ хъуамæ бафыссой гæххæт, заключение о соответсвии, æмæ уæд нымад æрцæудзæн аэропорт у цæттæ куснымæ».
темæмæ гæсгæ