филиал вгтрк государственная телерадиовещательная компания “Алания”

Джиу-джитсуйæ дунеон ерысты Уæрæсейы иугонд командæйы кад хъахъхъæдта ирыстойнаг спортсмен Дреты Уырызмæг. Рамбылдта дзы фыццаг бынат. Цæуы йыл æрмæстдæр 12 азы. Джиу-джитсуйы секцимæ та æрбацыд цыппараздзыдæй. Уыцы мгъуыдмæ æрыгон спортсменæн бантыст республикон æмæ æппæтуæрæсейон ерыстæ рамбулын. Ныр та сси дунеон турниры уæлахиздзау.

Грекъаг сакъадах Кипры арæзт æрцыдысты Джиу-джитсуйæ дунеон ерыстæ. Архайдтой дзы фынддæс азы онг кæуыл цæуы, ахæм фæсивæд. Уæрæсейы иугонд командæйы хыгъды уыд не мзæххон, ирыстойнаг спортсмен Дреты Уырызмæг. Кæд æрыгон у, уæддæр æм ис хорз техникæ æмæ спортивон цæттæдзинад, зæгъы йæ тренер Дзитойты Артур. Уымæ гæсгæ Уырызмæг йæхи хорз кæй равдисдзæн, ууыл æууæндыдысты. Фæлæ уæддæр фыццаг бынат рамбулын – уыд тынг æхсызгон.

Æмæ æцæгæйдæр, фыццаг дыууæ фембæлды ирыстойнаг спортсмен рамбылдта æмгъуыдæй раздæр. Раздæр уал фæтых грекъаг спортсменыл, уыйфæстæ та Кипры минæварыл. Финалы та Дреты Уырызмæг фидарæй фæуæлахиз немыцаг спортсмен Петер Кимоныл 10:1 хыгъдæй. Дзитойты Артур куыд загъта, афтæмæй не спортсментæ алыхуызон æппæтадæмон ерысты сæхи кары æппынæдзухдæр свæййынц уæлахиздзаутæ.

Ныртæккæ Дреты Уырызмæгыл цæуы 12 азы. Джиу-джитсуйы секцимæ та æрбацыд цыппараздзыдæй. Уыцы мгъуыдмæ æрыгон спортсменæн бантыст республикон æмæ æппæтуæрæсейон ерыстæ рамбулын. Ныр та сси дунеон турниры уæлахиздзау.

Уырызмæг дæнцæг исы йæ хистæр æфсымæрæй. Ныртæккæ уый сси уæлдæр скъолайы студент, æмæ уал спорт рæстæгмæ айрох. Фæлæ Уырызмæг йæ размæ æвæры æндæр хæстæ. Тырны стыр спортивон уæлахизтæм.

Фидараты Маринæ