Пятигорскы арæзт æрцыд сæрмагонд æмбырд. Амыдта йæ Уæрæсейы Президенты æххæстбарджын минæвар Цæгат Кавказы Федералон зылды Олег Белавенцев.
Нæ республикæйы æфсæддон-спортивон лагерь «Балц» дæнцæгæн æрхастой иннæ регионтæн. Пятигорскы арæзт æрцыд сæрмагонд æмбырд. Амыдта йæ Уæрæсейы Президенты æххæстбарджын минæвар Цæгат Кавказы Федералон зылды Олег Белавенцев. Ныхас цыд фæсивæды æфсæддон-патриотон хъомыладыл æмæ «Æвзонг æфсæддонты» змæлды рæзтыл. Организацийы сæйраг штабы хицау Дмитрий Труненков се ппæты хсæнæй радих кодта Цæгат Ирыстоны лагерь «Балц». Куыд загъта, афтæмæй йæ схонæн ис патриотон хъомылады дæнцæг. Нæ республикæйы Сæргълæууæг Битарты Вячеслав фехъусын кодта, иу азмæ Цæгат Ирыстоны æвзонг æфсæддонты рæнхъытæм бацыд 1 мин адæймагæй фылдæр. Алы скъолайы дæр цыппæрæм къласæй райдайынц патриотон отрядтæ аразын. Æмбырды ма дзырдтой ЦСКАйы олимпаг резервы скъолатыл. Олег Белавенцев регионты сæргълæуджыты ргом аздæхта, æмæ сын бабар кодта спортивон инфраструктурæйы рæзтыл æппынæдзухдæр кусын.
