07 марта 2018, 15:25
Цæгат Кавказы республикæтыл гастрольты тур æххæст кæнгæйæ, Дзæуджыхъæуы концерт радта нæ бæстæйы æфсæддон зарды æмæ кафты ансамбль
Национ гвардийы Федералон службæйы ансамблæн разамынд дæтты Уæрæсейы Федерацийы Адæмон артист, инæлар-майор Виктор Елисеев.
Цæгат Кавказы республикæтыл гастрольты тур æххæст кæнгæйæ, Дзæуджыхъæуы концерт радта нæ бæстæйы æфсæддон зарды æмæ кафты ансамбль.
Национ гвардийы Федералон службæйы ансамблæн разамынд дæтты Уæрæсейы Федерацийы Адæмон артист, инæлар-майор Виктор Елисеев. Цæгат Ирыстонмæ ссæугæйæ, коллектив номарæн мадзæлттимæ бабæрæг кодта Беслæны «зæдты горæт», дидинджытæ сæвæрдтой хъыджы бæласы æмæ æдзард æфсæддонты мемориалыл. Уыйфæстæ цымыдисаг концерт радтой Дзæуджыхъæуы металлургты Галуаны. Æфсæддон зарджытæм байхъусынмæ æрбацыд сæдæгай аивадуарзджытæ, æфсæддонтæ, Уæрæсейы национ гвардийы службæгæнджытæ, сæ бинонтæ, æхсæнадон архайджытæ. Тыхджын къухæмдзæгъдимæ сæмбæлдысты зындгонд коллективыл. Сценæйæ хъуыстысты патриотон уацмыстæ, советон рæстæджы популярон композицитæ. Уымæй дарддæр артисттæ балæвар кодтой цæрдæг кафтытæ дæр. Кæронбæттæны нæ республикæйы культурæйы министр Милдзыхты Руслан ансамблы 4 солистæн радта кадджын хæрзиуджытæ. Нырæй фæстæмæ хæсдзысты «Республикæ Цæгат Ирыстон-Аланийы сгуыхт артисты» ном. Уый тыххæй указ бафыста нæ республикæйы Сæргълæууæг Битарты Вячеслав.
темæмæ гæсгæ
