07 марта 2018, 18:10
70 милуан сомы райсдзæн Цæгат Ирыстон федералон программæмæ гæсгæ
Уый æххæст кæнгæйæ, адæмы дарддæр кæлæддзаг хæдзæрттæй ивдзысты ногтæм.
70 милуан сомы райсдзæн Цæгат Ирыстон федералон программæмæ гæсгæ. Уый æххæст кæнгæйæ, адæмы дарддæр кæлæддзаг хæдзæрттæй ивдзысты ногтæм. Нырма уал уыдон æппæт æхцатæн сты се 30 проценты.
Ноджыдæр ма 158 милуан сомы радих кæндзысты, муниципалитеттæ аразджытимæ æмбæлгæ бадзырдтæ куы бафыссой, уæд. Ууыл абон ныхас цыди хицауады æмбырды. Йæ сæрдар Тускъаты Таймураз йе ргом аздæхта, арæх ног цæрæнуæтты тыххæй тæрхондоны быцæу кæй сæвзæры, уымæ. Адæм хъаст фæкæнынц, аивгæнæн куыстытæ, куыд æмбæлы, афтæ конд кæй не рцæуынц, уымæй. Премьер-министр цæрæнуæтты-коммуналон хæдзарады министрадæн æмæ районты администрацитæн бабар кодта, афоныл æппæт куыстытæ кæнын, æмæ алкæимæ дæр хицæнæй кусын. Ныхас ма цыди куысты бынæттæ дæттыныл дæр. Профилон службæйы разамонæг Дзгойты Иринæ куыд фехъусын кодта, афтæмæй ныртæккæ кусынц æртæ хуызы. Уымæн сын радих кæндзысты 55 милуан сомы. Тускъаты Таймуразы ныхæстæм гæсгæ, фыццаджыдæр хъæуы хæрзхъæддзинадыл кусын.
темæмæ гæсгæ
