Культурæйы фæрцы адæмы хсæн хæлардзинад тауын. Ахæм нысанимæ фарон республикæйы культурæйы министрад сарæзта программæ.
Культурæйы фæрцы адæмы хсæн
хæлардзинад тауын. Ахæм нысанимæ фарон республикæйы культурæйы министрад сарæзта
программæ. Уый æххæст кæнгæйæ ныр 5-æм хатт Æрыдоны уыд концерт. Ацы хатт æрыдойнæгты
сæ курдиатимæ базонгæ кодтой Рахизфарсы районы сфæлдыстадон æмæ хихъæппæрисадон
къордтæ. Куыд ацыд хæлардзинады концерт, уый тыххæй радзурдзæн Моргуаты Ладæ.
«Фæлтæрддзинадимæ фæныфсджындæр дæн», зæгъы Беслæны
адæмон ансамбль Суадон»-ы артисткæ Хадыхъаты Кристина. Кафджыты къордмæ цæуы
3 азы. Уыцы рæстæгмæ базонгæ бирæ аивадуарзджытимæ, уыдонимæ Æрыдоны цæрджытимæ
дæр.
Программæ хъæздыг у традицион национ кæфтытæй –
«Симд», «Хохаг», Дагестайнаг æмæ бирæ æндæртæ. Хæлардзинады концерты уыдысты ансамбль «Веселые
Казачки». Сценæйы сты 91-æм азæй. Уæдæй нырмæ се курдиат – сæ царды фæрæз. Уымæ гæсгæ сæ зард зæлы алкæм дæр, суанг
ма грим кæм кæнынц, уым дæр.
Беслæны адæмон æмæ хи хъæппæрисадон къордты фембæлд цæрджытимæ арæзт у культурæйы фæрцы республикæйы районты
хсæн хæлардзинады ахастдзинæдтæ фидар кæныны
нысанимæ. Республикæйы культурæйы министрады уый фæдыл сарæзта сæрмагонд программæ. Уый æххæстгæнгæйæ Æрыдоны
ныронг уыд 5 концерты.
Сæрмагонд фæткмæ гæсгæ рæстæгæй рæстæгмæ кæрæдзиимæ сфæлдыстадон фæндагыл æмæбæлын æмæ курдиатимæ зонгæ кæнын, хорз фæрæз у адæмы хи культурæйы райрæзтæн. Уыцы
нысанимæ арæзт цæуынц ацы хæлардзинады концерттæ дæр.
