Уыцы рæстæгмæ стыр æвæрæн бахаста бæстæйы хъахъхъæнынадмæ.
Цæгат Ирыстоны æфсæддон
комиссарад сбæрæг кодта йæ 100 азы юбилей. Уыцы рæстæгмæ стыр æвæрæн бахаста
бæстæйы хъахъхъæнынадмæ. Активонæй архайдта Фыдыбæстæйы Стыр хæсты рæстæг дæр.
Ёфсадмæ сидыны фæткимæ ма, уыцы иу рæстæг арæзта партизанты къордтæ, æмæ æххуыс
кодта фронты фæсчъылдым фарстатæ лыг кæнын дæр. Куыд сæмбæлд æфсæддон
комиссарад йæ юбилейыл, уый тыххæй радзурдзæн Моргуаты Ладæ.
Юбилейы фæдыл марш, кадджын хъалагъуыры та лæууынц фидæны
æфсæддонтæ, Райгуырæн бæстæйы хъахъхъæнджытæ.
Оркестр канд классикон уацмыстæ нæ цагъта, фæлæ ма зæлыд
эстрадон музыкæ дæр. Уый у граждайнагæй æфсæддонмæ цардмæ рахизыны арæн.
Цæгат Ирыстоны æфсæддон комиссарады истори райдыдта 16-æм
апрелы 1918-æм азы. Ёппæты уæззаудæр рæстæг ын уыдысты Фыдыбæстæйы хæсты азтæ.
Адæмы æфсадмæ цæттæ кæнынимæ ма сæ уыцы-иу рæстæг хъуыд партизанты къордтæ
аразын æмæ фронты фæсчъылдым архайджыты фарстатæ лыг кæнын
Ёфсæддон комиссарадæн, æнусон юбилейы фæдыл, раарфæ кодта
Хицауады сæрдар Тускъаты Таймураз. Хуыздæр кусджыты – Андроник Мурадянц æмæ
Николай Русаковы схорзæхджын кодта «Ирыстоны Намыс»-ы майдантæй.
Кады гæххæттытæ лæвæрд уыдысты республикæйы парламенты,
Уæрæсейы Федерацийы хъахъхъæнынады министрады æмæ ветеранты æхсæнадон
организациты номæй. Ныртæккæ цæуы æфсадмæ сидыны уалдзыгон кампани. Ацы аз
æфсæддонты уæлæдарæс сæхиуыл скæндзысты 700 æвзонг лæппуйы Цæгат Ирыстонæй.
Уыдонæй 200 сты Дзæуджыхъæуæй.
Ёфсæддон службæ Ирыстоны лæппутæн æдзухдæр кадыл нымад уыд.
Уымæн æмæ райгуырæн бæстæйы сæраппонд йæ хæс раттынмæ æрмæст аккагдæр чи вæййы, уыдонмæ фæсидынц. Уыдон
хъахъхъæндзысты нæ хæстæгдæр фидæны
сабыр цард.
