филиал вгтрк государственная телерадиовещательная компания “Алания”

Дæсныйадмæ уæндон къахдзæфтæ. Афтæ схуыдтой сæ концерт нæ республикæйы аивæдты лицейы ахуырдзаутæ.

Ацы концертæй, фæлварæнты агъоммæ, равдыстой сæ цæттæдзинад. Иуæй-иутæн та уыд сæ фыццаг къахдзæф сценæмæ. Аивадон изæры архайджытæн сæ фылдæр каст фесты райдиан кълæстæ. Уалдзыгон дивертисменттæ – уый у музыкалон æмæ кафæн бæрæгбон. Сæйрагдæр – лицеисттæн сæхицæн, зæгъы директор æмæ фестиваль саразæг Ходы Фатимæ. Сывæллæтты культурон рæзты тыххæй, ахæм сфæлдыстадон мадзæлттæ саразынц афæдз дыууæ хатты. Зымæджы ма уыд æндæр муызкалон концерт дæр – «Цыппурсы дивертисменттæ». Йæ архайджыты хъуыдымæ гæсгæ, дыууæ концертмæ дæр лицеисттæ сæхи фæцæттæ кæнынц æнæхъæн афæдз. Ацы фестиваль та цæудзæн 24-æм апрельмæ.