Паддзахадон субсидитæ ног цæрæнуат райсынмæ кæнæ аразынмæ райстой 81 бинонтæ. Ацы аз ма ахæм хорзæх райсдзысты 143 бинонтæ.
Республикæйы Сæргълæууæг Битарты Вячеслав
æрыгон бинонтæн радта цæрæнуæтты сертификаттæ. Паддзахадон субсидитæ ног
цæрæнуат райсынмæ кæнæ аразынмæ райстой 81 бинонтæ. Ацы аз ма ахæм хорзæх
райсдзысты 143 бинонтæ. Æдæппæтæй паддзахадон æххуыс у 177 милуан сомæн.
Программæ фадат дæтты, фатер райсынмæ рады чи лæууы, уыдоны хыгъд фæкъаддæр
кæнынæн, стæй регионы социалон æмæ демографион уавæр фæхуыздæр кæнынæн. Ахæм
фиддонтæ лæвæрд цæуынц æрмæстдæр иу хатт, æмæ сæ аргъ у цæрæнуаты аргъæй 35%.
Домæнтæй иу у, къайадтыл хъуамæ 35 азæй фылдæр ма цæуа. Æдæппæтæй ацы аз сæ
царды уавæртæ фæхуыздæр кæндзысты 224 бинонтæ, уый, иннæ азтимæ абаргæйæ, у
æппæты бæрзонддæр бæрæггæнæн.
