Æххæст æй кæны национ парк «Алани»
Республикæйы арæзт æрцыд æппæтадæмон
акци «Паркты Марш». Æххæст æй кæны национ парк «Алани». Акци райдыдта зиуæй
Дыгургомы. Къуырийы дæргъы ма арæзт цæудзысты семинартæ æмæ скъоладзаутимæ
фембæлдтытæ. Базонгæ сæ кæндзысты республикæйы æрдзон хæзнатимæ. Бæлвырддæр
хабæрттæ радзурдзæн Хъайтмазты Дзерассæ.
Экологон десант абалц кодта Мацутæйæ. Æрмкъухтæ æмæ бырæтты
голджытæ райсгæйæ, апарахат ис Дыгургомы. Æфснайынмæ бавнæлдтой 5 стыр хайы.
Сæйрагдæр аив кодтой архитектурон цыртдзæвæнты алыварс æмæ фæндæгтæм хæстæг
территори.
Зиу арæзт æрцыд æппæтадæмон акци «Паркты марш »
æххæстгæнгæйæ. Республикæйы йæ æххæст кæны национ парк «Алани». Акцийы девиз у
«Фæсивæд æмæ æрдз – нæ фидæн». Уымæн æмæ ацы аз волонтерты азыл нымад у. Уый
тыххæй ацы ахсджиаг хъуыддаджы архайынмæ фæсидтысты æрыгон фæлтæрмæ. Се *ххуысы
хай бахастой «Уæлахизы волонтертæ», экологон отряд «Барс», хæххон аграрон æмæ
Цæгат Ирыстоны университетты студенттæ.
Ацы бон ма Æппæтуæрæсеон адæмон фронт дæр сарæзта зиу.
Активистты бафæндыд сæ тыхтæ национ паркимæ баиу кæнын, æмæ иумæ бацархайын,
республикæйы рæсугъддæр бынæттæй иу ссыгъдæг кæныныл.
Акци æрмæст экологон æгъдауæй пайдайаг нæ рауад. Фæсивæды
базонгæ кодтой бынæттон архитектурон хæзнатимæ. Радзырдтой сын сæ историон
нысаниуæджы тыххæй.
Æдæппæтæй акцийы архайдта 50 адæймаджы онг. Бырæттæ æрæмбырд
кодтой дæсгай голджытæ. Уæвгæ, «Паркты марш» æрмæстдæр зиуæй нæ
ахицæн уыдзæн.
Къуырийы дæргъы арæзт цæудзысты семинартæ æмæ скъоладзаутимæ
фембæлдтытæ. Национ парк «Алани»-йы кусджытæ сын радзурдзысты республикæйы
фæдзæхст бынæтты æрдзон æмæ архитектурон цыртдзæвæнты тыххæй.
