24 апреля 2018, 18:15
Абон у сомихæгты геноциды амæттæгты мысæн бон
Хонынц ма йæ 20-æм æнусы фыццаг геноцид дæр.
Абон у сомихæгты геноциды амæттæгты мысæн бон.
Хонынц ма йæ 20-æм æнусы фыццаг геноцид дæр. Осмайнаг импери уæд скуынæг кæнынмæ хъавыд, сомихаг адæмæй чырыстон диныл хæст чи уыди, уыдоны. Бирæтæ уæд æрбынат кодтой Цæгат Ирыстоны. Ныртæккæ нæ республикæйы цæрынц сæ фæдонтæ. Дзæуджыхъæуы Сыгъдæг Георгий-Рухстауæджы номыл аргъуаны абон геноциды амæттæгты номыл арæзт æрцыд литургия. 16 сахатыл кинотеатр «Терек»-ы равдыстой историон драмæ «Шрам». Ныхас дзы цæуы, геноцидæй чи аирвæзт, уыцы бинонтыл. 19 сахатыл та аргъуаны кæрты арæзт æрцæудзæн ноджыдæр иу номарæн акци.
темæмæ гæсгæ
