филиал вгтрк государственная телерадиовещательная компания “Алания”

Майы бæрæгбæтты рæстæг æдасдзинадыл бакусдзысты мидхъуыддæгты министрады 4 мины æмæ 500 кусæджы.

Ууыл ныхас цыд республикæйы терроризмы ныхмæ къамисы æмæ Оперативон штабы иумæйаг æмбырды. Амыдта йæ Цæгат Ирыстоны Сæргълæууæг Битарты Вячеслав. Æмбырды куыд загътой, афтæмæй мидхъуыддæгты министрады дæлхайæдтæ карздæр фæткмæ гæсгæ рад хæсдзысты 30-æм апрелæй – 2-æм маймæ, æмæ 8-æмæй – 10-æм майы онг. Нæ республикæйы Мидхъуыддæгты министрады хъусынгæнинагмæ гæсгæ, 1-æм майы профцæдистæ сараздзысты кадджын æмбырд. Транспаранттимæ æрцæудзысты Кировы уынгæй Театралон фæзы онг. Уæлахизы Бонмæ æфсæддон парад, традицимæ гæсгæ, арæзт æрцæудзæн 9-æм майы 10 сахатыл Дзæуджыхъæуы Сæрибардзинады фæзы. Ирхæфсæн мадзæлттæ цæудзысты 17 сахаты онг Сабырдзинады проспекты æмæ Центрон парчы. Бæрæгбоны концерт та райдадйзæн изæры 8 сахатыл. Бæрæгбоны мадзæлттæ уыдзысты Мæздæджы дæр. Акци «Æнæмæлгæ пъолк» Дзæуджыхъæуы райдайдзæн 11 сахатыл. Уæвгæ та йæ сæххæст кæндзысты республикæйы æппæт районты.