филиал вгтрк государственная телерадиовещательная компания “Алания”

Ирыстонмæ кино æрбаздахын. Ацы ныхæстæй райдыдта йæ дæсныйадæвдисæг ахуыртæ кино æмæ театры актер Бутаты Константин.

Фембæлд Цæгат Ирыстоны паддзахадон университеты аивæдты факультеты æмæ аивæдты колледжы студенттимæ. Фехъусын сын кодта йæ хъæппæрис, нæ республикæйы университеты кинофакультет байгом кæныны тыххæй. Уым уыдзæн киноактерты, сценаристты, режиссерты, операторты æмæ аивадон графикæйы кафедрæтæ. Константин куыд зæгъы, афтæмæй уый фадат ратдзæн студенттæн сæ фидæны дæсныйад бæстондæр равзарынæн. Фæсивæдимæ ныхас рауад æргом æмæ ахадгæ. Бутаты Константин йе мбæлттимæ Саулохты Татьянæ æмæ Цъебойты Ларисæимæ радзырдтой се сфæлдстадон фæндаджы тыххæй киноиндустрийы. Бæлвырддæр та – цавæр зындзинæдтыл сæмбæлдысты киноисæн æмæ театралон фæзты. Студенттæ сæхæдæг дæр активонæй архайдтой ныхасы. Лæвæрдтой фæрстытæ, дзырдтой сæ хъуыдытæ. Стыр æргом аздæхтой нырыккон кинематографы фæзилæнтыл.