25 апреля 2018, 18:20
Дзæуджыхъæуы 52-æм рæвдауæндоны хъомылгæнинæгтæ æмæ Паддзахадон автоинспекцийы кусджытæ бацæттæ кодтой иумæйаг театрализацигонд равдыст
Уымæй ма иу хатт сфидар кодтой фæндаджы сæрты хизыны домæнтæ. Сæйрагдæр у – фыдбылызты нымæц фæкъаддæр кæнын. Цас раздæр базоной сабитæ фæндаггон фæтк, уыйас æй хуыздæр бахъуыды кæндзысты.
Дзæуджыхъæуы 52-æм рæвдауæндоны хъомылгæнинæгтæ æмæ Паддзахадон автоинспекцийы кусджытæ бацæттæ кодтой иумæйаг театрализацигонд равдыст.
Уымæй ма иу хатт сфидар кодтой фæндаджы сæрты хизыны домæнтæ. Сæйрагдæр у – фыдбылызты нымæц фæкъаддæр кæнын. Цас раздæр базоной сабитæ фæндаггон фæтк, уыйас æй хуыздæр бахъуыды кæндзысты. Афтæмæй сæм рæздзæн хи культурæ дæр. Уымæ гæсгæ паддзахадон автоинспекторты, хъомылгæнджыты æмæ ныййарджыты сæйраг нысан у – сывæллæттæн фæндаджы сæрты домæнтæ бамбарын кæнын, æмæ сæ, куыд æмбæлы, афтæ æххæст кæнын. Зæгъæм, 52-æм рæвдауæндоны хъомылгæнинæгтæ домæнтæ хорз зонынц, æмæ сæ царды пайда кæнынц. Ацы хатт бацæттæ кодтой театрализацигонд равдыст, æмæ дзы хъазты хуызы раргом кодтой сæ зонындзинæдтæ. Балцы ацыдысты алæмæты дунемæ, уым базонгæ сты светофоримæ, фæндаггон нысантимæ. Сабитæ лæвæрдтой дзуæппытæ автоинспекторты фæрстытæн. Зарыдысты, кафыдысты, аив кастысты æмдзæвгæтæ. Фидарæй зæгъæн ис уый, æмæ ахæм хуызы рæвдауæндоны хъомылгæнинæгтæ сæ зæрдыл хуыздæр бадардзысты фæндаггон домæнтæ.
темæмæ гæсгæ
