Ацы ран хуыздæр командæтæ, уыдысты 8-æй фылдæр, сæ зонындзинæдтæ равдыстой истори æмæ медицинæ зонынæй, æфсæддон рæнхъытæй раст цæуын æмæ патриотон зардæй.
Дзæуджыхъæуы арæзт уыд республикон
æфсæддон-спортивон хъазт «Уæлахиз»-ы кæронбæттæн къапхæн. Архайдтой
дзы хистæркъласонтæ. Ерыстæ сбастой Фыдыбæстæйы Стыр хæсты Уæлахизы 73 азы
кадæн. Æфсæддон хъазт байгом намысы мемориалы цур дидинджытæ сæвæрынæй. Ацы ран
хуыздæр командæтæ, уыдысты 8-æй фылдæр, сæ зонындзинæдтæ равдыстой истори æмæ
медицинæ зонынæй, æфсæддон рæнхъытæй раст цæуын æмæ патриотон зардæй.
Финалы архайджытæ сты скъолаты æмæ
районты ерыстæм йæхи хуыздæр чи бацæттæ кодта, уыцы командæтæ. Райдиан
къæпхæнты дзы архайдта 350 ахуырдзауæй фылдæр. Æфсæддон-спортивон хъазт арæзт æрцыд Республикæйы ахуырад æмæ
наукæйы хъæппæрисæй, 58-æм æфсады, фæсивæды патриотон хъомылады центры,
ветеранты Советы æмæ æхсæнадон
организаци «Æфсæддон æфсымæрад»-ы цæгатирыстойнаг хайды æххуысæй.
Уæлахиздзау командæ июлы архайдзæн
æппæтуæрæсеон ерысты.
