филиал вгтрк государственная телерадиовещательная компания “Алания”

Скодтонцæ хатдзæгтæ сæ фондз анзей кустæн. Ирæфи райони уæлæмхасæн ахуради центри  кусти хабæрттæй фæххайгин æнцæ æ юбилеймæ æрбацæугутæ.

Беслæни консервтæ кæнæн кустуати лæмбунæг архайунцæ цæхгунтæ кæнунбæл. Сæ продукци фæххæлеу уодзнæй берæ горæттæбæл.

Адæми хæттити æхсæн лимæндзинадæ, æгъдау, æфсарм парахат кæнун æй Цæгат Иристони пусулмæнтти управлений минæвæртти кусти сæйраг нисан. Сæ æнзти архайди хатдзæгтæ, адæми размæ, рахастонцæ организаций 30 анзей юбилеййи.

Цæгат Иристони минæвæрттæ,бабæй,банхæст кæндзæнæнцæ æфсади рæнгъитæ. Райдæдта æфсадмæ æрветуни фæззигон кампани.

Сӕрмагонд программити архайди фӕрци Цӕгат Иристони гъӕууонхӕдзаради къабазӕ фӕффедардӕр ӕй. Фулдӕр адӕм сӕхе рахадта зӕнхи ӕма фонс даруни кустмӕ.

Радон номерӕн мадзал арӕзт ӕрцудӕй Дигорай. Тугъди ветеран Боцити Мурати 100 анзей кадӕн си адтӕй шахмӕттӕй республикон турнир.

Гурдзибети Блашкай хæдзарæ-музей иссæй нуриккон аивади фестиваль «Аланикæ»-и архайæг. Фæууинæн си ес цæмæдессаг аивадон куститæ.

Алли фембæлд дæр пайдайаг æй сæ фæлтæрддзинадæбæл бафтаунæн. Республики районти Спортивон скъолати ахурдзаутæ æмбæлунцæ кæрæдзей хæццæ. Радон фембæлд арæзт æрцудæй Хæзнидони.

Рæстæг куд равдиста, уотемæй -Иристони парламенти сæрдари æргъуди- цæугæ æмбурдтæ аразун районти, хуæрзæрдæмæ бæрæг кæнуй адæми цардбæл.

Æ цардæй рахецæн æй Иристони кадгиндæр хестæртæй еу, æ фидибæсти патриот,устур ахургонд, уарзон адæймаг Сæбанти Михали фурт Барис. Æ фæсте ниууагъта берæ зонадон куститæ æма зæрдæбæл æмбæлгæ имисуйнæгтæ.

Царди нæуæгдзинæдти хæццæ æмдзо кæнунцæ! Хæзнидони скъолай байгом æй Курчатови дуккаг кълас.Æ ахурдзаути курчатовонтæмæ райстонцæ кадгин уавæри.

Се вæрæн хӕссунцӕ сӕрмагонд ӕфсӕддон операций архайгутӕн фенхус кӕнунмӕ. Гимнази Диологи бийунцӕ сӕрмагонд сеткитӕ.

Иристони дзиллитӕ ис уодзӕнӕнцӕ ӕвдесӕн историон цауӕн. 24–аг октябри уодзӕнӕй мюзикл «Фатими» премьерӕ.

Иристони дзиллитæ сбæрæг кодтонцæ Дзæуæгигъæуи равзурди 240 анзей бон. Дуууæ бони, бæрæгбони мадзæлтти баархайдта иуазгутæ Уæрæсей али регионтæй æма фæсарæнтæй.

Парламенти Совет цæугæ æмбурд, аци хатт, арæзт æрцудæй Дигорай. Депутаттæ сæ сæргъи спикер Тускъати Таймураз, уотемæй аргъ скодтонцæ нæуæг паркбæл куститæн, бабæрæг кодтонцæ культурон райрæзти центр.

«Æнæпилотон авиацион системити» хæццæ, республики, фиццагидæр базонгæ æнцæ Чиколай æртиккаг скъолай ахурдзаутæ.

Равдисти ӕрмӕгутӕ дзорӕг ӕнцӕ Совет Цӕдеси бӕгъатӕр Къесати Астани ӕма «Лӕгдзинади орден» – и аккаг ка иссӕй, уоци Хӕмицати Солтани бӕгъатӕрдзина ӕма цардбӕл.
Дигорай ис бӕрӕг кодтонцӕ Къесати Астани райгурди 120 анзей бон.
Лескени ба байгом кодтонцӕ Хӕмицати

Иристони киунугути хæзнадонæ фæгъгъæздугдæр æй Дигоргоми атласи нæуæг рауаагъдæй. Аци киунуги фæрци æнцонтæй иссерæн ес коми зундгонд буннæттæ

Æ ном цæруй, æ фæдзæхститæ царди æнхæстгонд цæунцæ. Бабæрæг кодтан Мвхъоти Алихани номерæн буннæттæ.

Фæлтæртæн имисуйнаг, дæнцæгæн хæссуйнаг. Дур-Дури косунцæ Фидибæсти Устур тугъди архайгути нæмттæ идарддæр хæссунбæл, гъæуи номерæн буннæттæ фулдæр кæнунбæл.

Зæрдæй ка цæуа, уомæн иннæ зæрдæмæ дæр æнæ фæхъхъæртæн нæййес.

Дзæуæгигъæуи Вахтангови хæдзари æримистонцæ Гибизти Оскари ном æма исфæлдистадæ.

Идарддæр цæуй. Цæгат Иристон нимад ке æй, акци Уæрæсей дони хуæздæр архайгутæй иуебæл. Евгъуд анз нæ республикæ кæронбæттæн рейтинги байахæста æртиккаг бунат. Нуртæккæ имæ æвæрæн хаст цæуй.

Муниципалон кустуат  «Спецэкосервис»-и косгутæ сбæрæг кодтонцæ, горæти æгас ахургæнæндæнтти рæзти ци нисантæ ес, уони. Нæуæгæй хуарунцæ нисантæ, цæмæй дзæбæхдæр  зиннонцæ.

Тахъазти Заремæ æ цард нæ уинуй æнæ хуйунæй. Байархайдта Иристони къартæ бахуйуни гъуддаги.

Фулдæр фæууинун, фулдæр базонун, Иристони кæмтти сосæгдзинæдтæ рапарахат кæнун æгас дуйнебæл, адтæй проект «Фæсевæди зонадон экспедици «Фæдзæхст Кавказ»-и архайгути нисан.

Фиддæлти фарнæ, сæ уодтæн хъазар ка адтæй, уоци гъуддæгутæ багъæуай кæнуни нисанеуæги хæццæ, Лескени гъæуи куст цæуй арви буни музейбæл. Æ саразаг æй Бетрозти Аслæнбег.

Фулдæр гæнæнтæ фæззиндзнæй Цæгат Кавкази хуæнхон-металлургон институти студенттæн. Сæ бон уодзнæй, сæ сæрдигон? уолæфæн рæстæг пайдайагæй рарветун, уой хæццæ ба ма æхцæ дæр бакосун.

Ниqqерæги хъиаматæн зин æй аргъ ис кæнун.Уæлдайдæр ба ма Фидибæсти Стур тугъдмæ сæ хъæболта ка рафæндараст кодта, æма се *сцудмæ , цæргæбонти, æнгъæлмæ кæсгæ ка байзадæй, уонæн. Сæ кадæн, алли анз дæр, Хæзнидони арæзт æрцæуй сæрмагонд мадзал.

Лескени дессаги æрдзи уиндæй фæххайгин æнцæ пратикон æхстити Уæрсей еристи архайгутæ. Бæсти алли къумтæй , ардæмæ, æрбацудæй 150 адæймаги. Ерис кодтонцæ Уæрæсей еугонд команди иуонг ис унбæл.

Цар цæуй æма фарнæ æрбахаста Дигори райони Дур-дури гъæумæ. Рæхги си арæзт æрцæудзæнæй социалон ахедундзинадæ кæмæн ес , уæхæн бунæттæ.

Скъоладзаутæн ралæудтæй сæ уолæфæн рæстæг. Цæмæй æй пайдайагæй рарветонцæ се нæнездзинадæ æма зондахастæн, уобæл басагъæс кодтонцæ республики Хецауадæ. Уавæртæ син конд æрцудæй Иристони лагерьти, удта скъолати.

Æноси æнгарæ. Æ сæдæ анзей бони кадæн берæ арфитæ райста Мæрзойти -Хъиргъути Вера. Æ бæрæгбонмæ хунд æрцудæй не сфæлдистадон къуар дæр.