Æппæтадæмон фронты фæсивæдон къорды уæнгтæ, Мæздæджы бацæттæ кодтой акци
1-æм апрель у мæргъты æппæтдунеон бон. Экологон бæрæгбонæй адæмы ргом здахынц мæргътыл аудындзинадмæ, алчидæр хъуамæ йæ хæсыл намайа, стæм чи у, ахæм мæргъты сафын ма бауадзын. Æппæтадæмон фронты фæсивæдон къорды уæнгтæ, Мæздæджы бацæттæ кодтой акци. Се вæрæн æм бахастой скъоладзаутæ æмæ сæ ныййарджытæ дæр. Мæргътæн сарæзтой ахстæттæ, уый фæстæ рацыдысты паркмæ æмæ сæ æрцауыгътой бæлæстыл. Сывæллæттæ бакастысты мæргъты æмæ æрдзмæ уарзондзинады тыххæй æмдзæвгæтæ. Алчидæр сæ равзæрста иу бæлас æмæ йыл æрцауыгъта цы ахстон сарæзта, уый. Мартъийы кæронмæ æмæ апрелы райдианмæ мæргътæ фæстæмæ æрбатæхынц хъарм бæстæй. Æппæтадæмон фронты фæсивæдон къорды уæнгты сæйраг нысан у, адæмы ргом раздахын экологийы фарстатæм. Бирæ адæм æнæрхъуыдыйæ цуан кæнынц мæргътыл, афтæмæй зиан хæссынц экологийæн. Рæзгæ фæлтæр, ахсдæттæ кæныны хъуыддаджы равдыстой сфæлдыстадон æууæлтæ дæр. Иууылдæр разындысты алыхуызон, фæлæ уыцы иу рæстæг тынг цымыдисаг. Чи хъæдæй ахсдон скодта, чи хъæбæр гæххæттæй, чи та пластмассæй. Æрхъуыдыдзинæдтæ пайда уыдзысты æрмæст мæргътæн нæ, фæлæ аив кæндзысты горæты бакаст. Уымæй уæлдай скъоладзаутæ æмæ активисттæ бацæттæ кодтой информацион буклеттæ. Акцийы рæстæг сæ байуæрстой горæты цæрджытæн.
