Бæлвырддæр та ивд æрцæудзæн фæдзæхстадон пенситы бæрц
1-æм августæй фæстæмæ фæфылдæр сты, кусгæ чи кæны, уыцы пенсиисджыты фиддонтæ. Бæлвырддæр та ивд æрцæудзæн фæдзæхстадон пенситы бæрц. Алкæмæндæр æй банымайдзысты ногæй, уымæн æмæ йæ бæрц баст уыдзæн, куыстдæттæг ивгъуыд аз фæдзæхстадон фиддонтæ цас бафыста, уымæй. Ацы мæйы райдианæй, хи куыстуат кæмæ ис, уыдонæн фадат уыдзæн паддзахадон лæггæдты порталы уылты хыгъды слæууынæн. Уым ма сæхи регистраци скæныны фадат ис Донецкы æмæ Луганскы адæмон республикæтæй æрбалидзæг адæмæн, стæй Евразийаг экономикон цæдисы бæстæты цæрджытæн дæр. Хъалонисæн Федералон службæйы кусджытæн та сæ бон уыдзæн хъалонфидджыты тыххæй бæрæггæнæнтæ бæрнон куыстуæттæм æрвитын. Æрмæст иу фиппаинаг – хъуамæ хъалон фидæг уыцы хъуыддаг йæхæдæг зона, афтæмæй. Ивддзинæдтæ ма хаст æрцыдысты хæцæнгарзы тыххæй закъонмæ. Ног домæнмæ гæсгæ, хæцæнгарзы хуызтæ коллекци кæныны фадат нæ уывдзæн, адæймагмæ бардæттæг гæххæттытæ куы нæ уа, уæд.
