40 фиддоны æмæ компенсацийæ фылдæрæн скодтой индексаци æмæ сæ фæфылдæр кодтой 11,9%
1-æм февралæй фæстæмæ Уæрæсейы сæ тыхы бацыдысты ногдзинæдтæ. 40 фиддоны æмæ компенсацийæ фылдæрæн скодтой индексаци æмæ сæ фæфылдæр кодтой 11,9%. Афтæмæй, фæфылдæр уыдзæн сывæллон куы райгуыра, уæд ын цы фиддонтæ радих кæнынц, уыдоны бæрц, æрвылмæйон фиддонтæ æмæ мадæлон капитал. Фæфылдæр кæндзысты æнæнхъæлæджы уавæрты, кæнæ йæ куысты уæлхъус йе нæниздзинад хъыгдард кæмæн баййафа, стæй профессионалон низтæ кæмæ уа, ахæм адæмæн æнæмæнг социалон фæдзæхстады бæрц дæр.
Знонæй фæстæмæ, паддзахадон лæггæдты порталмæ бацæуæн ис æрмæст логин æмæ паролы фæрцы нæ, фæлæ иумæйаг биометрикон системæйы æххуысæй дæр. Системæйы регистраци скæнæн ис официалон сайты амынд чи ис, уыцы банчы хайæдты. Уыимæ, йæ клиент уæвын æнæмæнг нæу. Организацийы специалист адæймагæн сисдзæн йæ къам, æмæ йын ныффысдзæн йæ хъæлæс, стæй йын сфидар кæндзæн паддзахадон лæггæдты йæ регистраци. Уымæй уæлдай, йæ тыхы бацæудзæн хъалонты службæмæ курдиат бадæттыны ног формæ. Бастдзинады фæрæзты домæнтæ чи не ххæст кæна, уыцы операторты ацы мæйæ фæстæмæ ивар кæнын райдайдзысты. Юридикон бæрнондзинад кæуыл ис, ахæм адæмы ивар уыдзæни 30 мин сомæй, 50 мин сомы онг.
