Антимонополон службæйы регионалон управленийы тыххæй радтой ахæм дзуапп: ацы уавæры æргътæ æвæрынц дзуапдæттæг оргæнтæ
1-æм июлæй фæстæмæ газы аргъ фæфылдæр уыдзæни 3%. Сæхиуыл æй тынгдæр банкъардзысты Цæгат Ирыстоны, Дагестаны, Адыгейы, Кæсæг-Балхъары, Цæцæны, Краснодары æмæ Стъараполы крайты цæрджытæ – мин кубометрæн 5155 сомы, уыимæ, аргъыл цы æфтауынц, уый хъалон нæ хынцгæйæ. Абаргæйæ, Санкт-Петербурджы уыцы бæрцæн фидынц 4871 сомы. Антимонополон службæйы регионалон управленийы тыххæй радтой ахæм дзуапп: ацы уавæры æргътæ æвæрынц дзуапдæттæг оргæнтæ. Коммуналон лæггæдтæн æргътæ фидаргонд цæуынц тарифтæм гæсгæ. Æлхъывд газы æргътæ та артаджы станцæтæ æвæрынц сæхæдæг. Дæргъвæтин рæстæг Цæгат Ирыстон иннæ регионтимæ абаргæйæ уыди, æппæты къаддæр æргътæ кæм уыди, ахæм республикæ.
