Уый фæдыл уынаффæ хаст æрцыд республикæйы Парламенты æмбырды
1-æм июлы Цæгат Ирыстоны бæрæг кæндзысты æфсæддон цауты ветераны бон. Уый фæдыл уынаффæ хаст æрцыд республикæйы Парламенты æмбырды. Уымæй дарддæр дыккаг бакасты депутаттæ сфидар кодтой ног закъон. Нырæй фæстæмæ хъæудзæн сæрмагонд фæтк æххæст кæнын. Бæлвырддæр та фысымуæтты, иумæйаг хæрæндæтты, цæхæрадæтты æмбаладты, цас æмбæлы, уымæй фылдæр уынæр хъуамæ мæ цæуа. Парламенты æмбырды боны фæткы ма цыд кадрты фарста дæр. Афтæ национ политикæйы æмæ фæсивæды хъуыддæгты комитеты сæрдар сси Хъесаты Ирыстон. Раздæр ацы бынаты куыста Джиоты Георгий. Ныхас ма цыд сæрмагонд æфсæддон операцийы архайджыты æмæ сæ бинонтæн æххуысы мадзæлттыл. Профилон министрады разамонæг Абайты Юрий куыд радзырдта, афтæмæй Цæгат Ирыстоны аразынц 25 æххуысы хуызы. Ныртæккæ нæ республикæйы ис 545 демобилизацион æфсæддоны. Уыдонæй 230 адæймаджы нымад æрцыдысты инвалидтыл. Парламенты 45-æм æмбырдæн хатдзæгтæ скодта спикер Тускъаты Таймураз.
