02 сентября 2021, 12:32
1-æм сентябрæй фæстæмæ сывæллæттæн рынчыны гæххæттæн пособитæ нымад цæуынц ног фæткмæ гæсгæ
Уый аразгæ нал уыдзæн ныййарджыты куысты азты бæрцæй
1-æм сентябрæй фæстæмæ сывæллæттæн рынчыны гæххæттæн пособитæ нымад цæуынц ног фæткмæ гæсгæ. Уый аразгæ нал уыдзæн ныййарджыты куысты азты бæрцæй. Ног закъонмæ гæсгæ, 7 азы онг кæуыл цæуы, уыцы сывæллæттæн рынчыны гæххæттæн фиддзысты æххæстæй, ома куысты мызды 100%. 8 азæй уæлæмæ кæуыл цæуы, уыцы сывæллæттæн та рынчыны гæххæттæн, раздæрау, фиддзысты ныййарджыты стажмæ гæсгæ. Ног домæнтæм гæсгæ гæххæт райсæн уыдзæн æнцондæр. Социалон фæдзæхстады Фондмæ цæуын нæ хъæудзæн. Афтæмæй йын æппæт бæрæггæнæнтæ дæр хъуамæ радта куыстуаты разамонæг. Фæрæзтæ нымайдзæн социалон фæдзæхстады Фонд йæхæдæг, курдиæттæ фыссын нæ хъæудзæн.
темæмæ гæсгæ
