07 августа 2024, 12:38
10-æм августы, Цæгат Ирыстоны, куыд æппæт Уæрæсейы, афтæ, ацæудзæнис физкультурниччы бон
Аразынц æй национ проект «Спорт – царды нормæ» æххæст кæнгæйæ
10-æм августы, Цæгат Ирыстоны, куыд æппæт Уæрæсейы, афтæ, ацæудзæнис физкультурниччы бон. Аразынц æй национ проект «Спорт – царды нормæ» æххæст кæнгæйæ. Сæйраг мадзæлттæ ацæудзысты Сунжæйы спортивон фæзы. Спортуарзджытæм æнхъæлмæ кæсынц дæс сахатыл. Архайджытæ зарядкæ скæндзысты чемпионимæ, архайдзысты волейболæй, баскетболæй, армрестлингæй турнирты æмæ бинонты ерысты. Уымæй дарддæр сæххæст кæндзысты фæллоймæ æмæ хъахъхъæнынадмæ цæттæдзинады спортивон комплексы домæнтæ — хъусын кæны республикæйы спорты министрад.
темæмæ гæсгæ
