Бадзырдмæ гæсгæ куыстытæ кæндзæн цæгатирыстойнаг гом акционерон æхсæнад «Севосгеологоразведка».
Хæххон уавæрты 2000-3000 метры бæрзæндыл ахæм куыстытæ кæндзысты фыццаг хатт. Ныртæккæ «Южгеология»-йы техникæ æрвыст æрцыд Дзæуджыхъæумæ. Уый фæстæ йæ фæхæццæ кæндзысты Алагиры районмæ, геологты лагерьмæ. Специалисттæ зæхх ныкъкъахдзысты 200-300 метры æмæ дзы сисдзысты æрзæт.
«Севосгеологоразведка»-йы специалисттæ 2013 азы сбæрæг кодтой, ивгъуыд æнусы 20-30-æм азты æрзæткъахæнтæ кæм уыдысты, уыцы бынæттæ. Йæ рæстæджы сызгъæриныл бирæ фыдæбон кæй уыди æмæ æгæр зынаргъ кæй уади, уый тыххæй æрзæтыл нæ бакуыстой.
Ныртæккæ ног технологиты руаджы куыстытæ фенцондæр сты æмæ йæ къахын райдайдзысты. Геологтæ куыд нымайынц, афтæмæй æрмæст Куырттаты æмæ Дæргъæвсы кæмтты сызгъæрин ис 240 тоннæйы.
Специалисттæ куыд зæгъынц, афтæмæй тоннæ æрзæты сызгъæрин ис 2-3 граммы æмæ сæ уырдыгæй сисæн ис æрмæстдæр промышленнон уавæрты.
Хæстæгдæр рæстæг геологтæ сбæлвырд кæндзысты кæмтты зæхх хуынкъ кæнæн кусæнгæрзтæ кæм сæвæрæн ис, уый.
Æрзæткъахджытæ фылдæр сæ зæрдæ дарынц Ламардоны æмæ Дæргъæвсы гуырæнтыл. Хъуыддагмæ бæстон кæсынц УФ-йы зæххы хъæздыгдзинæдтæм цæстдарæг федералон агентады.
Кæронбæттæн геологон хатдзæгтæ та скæндзысты кæной 2015 азы кæронмæ. Хъуамæ дзы фыст уой хетты сызгъæрин цас и сæмæ ма дзы цавæр æрзæтты куыст кæнæн ис, уый.