Ууыл ныхас цыд республикæйы Хицауады æмбырды
10 миллиарды æмæ 500 милуан сомæй фылдæр бахастой ацы аз æнæмæнг медицинон фæдзæхстады фондмæ. Уый, фаронимæ абаргæйæ у 11% фылдæр. Ууыл ныхас цыд республикæйы Хицауады æмбырды. Уæлæмхасæн дотацитæ иу миллиардæй фылдæр райстой медицинон организацитæ сæ хæрдзтæ сæхгæнынæн. Уыдон æххуыс кæнынц коронавирусæй рынчын адæмæн. Æмбырды ма ныхас цыд æнæниздзинадхъахъхъæнынады системæйы рæзтыл 2024-æм азмæ. Уæлдай æргом здахынц медицинон лæггæдты хæрзхъæддзинадмæ. Хицауады уæнгтæ ма æрдзырдтой хъæуккаг территориты райрæзтыл. Нырæй фæстæмæ хъæуккаг территориты цæрæнуат райсынæн кæнæ саразынæн социалон фиддонтæн бар лæвæрд цæуы ветеринартæн стæй хъæды хæдзарады кусджытæн. Хъæуты ма фæнд кæнынц культурæйы райрæзтыл кусын дæр. Профилон ведомствойы бакуыстой бæлвырд мадзæлтты пъланыл. Афтæ фæнд кæнынц къабазы хуыздæр кусджытæн паддзахадон æххуыс кæнын.
