филиал вгтрк государственная телерадиовещательная компания “Алания”

10 ног микроавтобусы «Газель NEXT» радтой республикæйы скъолатæн. Газельтæ радих кодтой, Уæрæсейы Хицауады уагæвæрдмæ гæсгæ. 159 скъолайы ныридæгæн сифтонг кодтой транспортæй. Ахуыргæнæндæтты директортæн дæгъæлтæ радта республикæйы ахуырады æмæ наукæйы министр Алыбекты Эллæ. Куыд загъта, афтæмæй ныртæккæ цы проекттæ кусынц, уыдон горæтты æмæ дæрддзæф скъолаты ахуырдзаутæн фадат дæттынц социалон æмæ культурон объектты æмбæлгæ ифраструктурæйæ пайда кæнынæн. Цæгат Ирыстоны Сæргълæууæджы амындмæ гæсгæ кусын райдыдтой ахæм проекттæ, куыд «Музейтæ сывæллæттæн» æмæ «Театртæ сывæллæттæн».