Сырхæфсæддоны тохы фæндаг цыди Цæгат Кавказæй Берлины онг.
Дур-Дуры 100 аздзыдæй йæ цардæй ахицæн Фыдыбæстæйы Стыр хæсты ветеран Цагъаты Исмаил (Гæмурзæ). Сырхæфсæддоны тохы фæндаг цыди Цæгат Кавказæй Берлины онг. Уæлахизыл дæр уым сæмбæлд. Йæ хъæбатырдзинады тыххæй йын лæвæрд æрцыд Фыдыбæстæйы хæсты 1 къæпхæны, Сырх Стъалыйы æмæ Намысы 3-æгæм къæпхæны ордентæ, дыууæ майданы «За отвагу», стæй ма «Кавказ хъахъхъæныны», «Берлин райсыны» æмæ «Германийыл уæлахизы» тыххæй майдантæ. Фыдыбæстæйы Стыр хæсты фæстæ Цагъаты Исмаил æрыздæхт йæ райгуырæн хъæумæ. Пенсийы рацæуыны онг фæллой кодта колхозы. 1948-æм азы йын лæвæрд æрцыд Советон цæдисы уæлдæр хæрзиуæг Ленины орден. Уый фæстæ дæр кадджын хистæр кодта æхсæнадон æмæ патриотон куыст рæзгæ фæлтæримæ. Æмбæлыди-иу скъоладзаутимæ, студенттимæ æмæ сиддонтимæ. Фарон та Уæлахизы бон Битарты Вячеслав Исмаилæн кадджын уавæры радта Ирыстоны Намысы майдан.
