02 июля 2025, 10:38
100 милуан сомæй фылдæр ацы аз æрвыст æрцæудзæн сæкæрнизимæ, онкологон æмæ зæрдæйы низтимæ тох кæнынæн
Уый тыххæй ныхас цыд Цæгат Ирыстоны Хицауады æмбырды
100 милуан сомæй фылдæр ацы аз æрвыст æрцæудзæн сæкæрнизимæ, онкологон æмæ зæрдæйы низтимæ тох кæнынæн. Уый тыххæй ныхас цыд Цæгат Ирыстоны Хицауады æмбырды. Боны фæткы фарстатæй иу баст уыд, сæрмагондæй цы æрдзон территоритæ хъахъхъæд цæуынц, уыдоны тыххæй республикон закъонмæ ивддзинæдтæ бахæссынимæ. Ныр хъæутæн сæ бон у ахæм территориты арæнтæм бахизын, æрмæст æрдзхъахъхъæнæн фæтк ма фехалгæйæ. Нысангонд æрцыд, реабилитацион организациты куыст къæпхæнгай ног федералон стандарттæм гæсгæ аразыны пълан. Министртæ ма хорзыл банымадтой, креативон инсдустрияты райрæзты тыххæй закъоны проект. Документы нысангонд ис паддзахадон æххуысы мадзæлтты æнæхъæн комплекс.
темæмæ гæсгæ
