Мыхуыры фæрæзы сфæлдыстадон къордæн бæрæгбоны арфæ ракодтой Уæрæсейы гвардийы регионалон управленийы минæвæрттæ
108 азы сæххæст республикон газет «Северная Осетия»-йы фыццаг номер рухс куы федта, уæдæй. Мыхуыры фæрæзы сфæлдыстадон къордæн бæрæгбоны арфæ ракодтой Уæрæсейы гвардийы регионалон управленийы минæвæрттæ. Сæйраг редактор Битарты Маринæйæн æфсады разамынды номæй радтой кады гæххæт. Бузныг сын загътой, сæ ахадгæ æмгуыстады тыххæй. Редакцийы кусджытæ дæр арфæ ракодтой Уæрæсейы гвардийы пресс-службæйæн æмдых æмæ æмзондæй сæ размæ вæрд хæстæ иумæ кæй æххæст кæнынц, уый тыххæй. Загътой, сæ зæрдæ кæй дарынц, дæрддæры хæлар ахастдзинæдтыл. Дыууæрдыгæй дæр æрдзырдтой хæстæгдæр фидæны куысты пъланыл. Уæ зæрдыл уын лæууын кæнæм, газет «Северная Осетия»-йæн йæ рахæцæн уыди революцион газет «Красная Знамя». Йæ фыццаг номер мыхуыры рацыди ивгъуыд æнусы 17-æм азы. Уал азмæ, кæй зæгъын æй хъæуы бирæ цыдæртæ аивта. Фæлæ, æнæивгæ у иу сæйрагдæр хъуыддаг – газеткæсджыты æууæнкдзинад. Газет раздæрау у Цæгат Ирыстоны цæрджытæ информаци кæцæй исынц, уыцы ахсджиаг фæрæзтæй иу æмæ йыл адæм сæ зæрдæ нæ ивынц.
