Бæрæгбоны рæстæг уазджытæ канд ирон чъиритæ нæ саходдзысты, фæлæ ма базондзысты ирон адæмы традицитæ æмæ истори.
21 сентябры горæты æмæ республикæйы бæрæгбоны фæлгæты уыдзæн ирон чъириты фестиваль. Арæзт цæуы æхсæзæм хатт. Уыдзæни Къесайы фырты уынджы Терчы былгæрон. Ацы аз фыццпаг хатт арæзт цæуы куыд æппæтуæрæсеон конкурс, афтæ. Бæрæгбоны рæстæг уазджытæ канд ирон чъиритæ нæ саходдзысты, фæлæ ма базондзысты ирон адæмы традицитæ æмæ истори. Дæсныйадæвдисæг ахуырты рæстæг та кæй фæнда, уыдоны бон уыдзæн сæхи бафæлварын чъиритæ кæнынæй. Уыцы фæзы ма ацæудзæн цыхт кæнджыты фестиваль дæр. Æппæт архайджытæн дæр ,мадзал аразджытæ сараздзысты уавæртæ – сæврдзысты дзы цатыртæ æмæ стъолтæ. Уымæй уæлдай сын бацæттæ кæндзысты продукттæ чъиритæ æмæ цыхт кæнынæн, бахъуаджы сахат та сын баххуыс кæнынмæ цæттæ уыдзысты бархионтæ, фехъусын кодтой республикæйы мыхуыры комитеты пресс-службæйæ. Курдиæттæ бадæдтæн ис ахæм номырæй 8(918)823-83-68.
