филиал вгтрк государственная телерадиовещательная компания “Алания”

Уыдонмæ гæсгæ алы автоскъолайы дæр ныр хъуамæ уа йæхи автодром, гектары цыппæрæм хайы фæзуаты. Сифтонг кæнын сæ хъæуы фæндаггон нысантæй: светофортæй, фистæгæйцæуджыты фæндæгтæй æмæ тигътæй. Æппæт уыцы уавæртæ ис Дзæуджыхъæуы 7-æм профессионалон училищæйы автоскъолайы. Уымæ гæсгæ йæм æрбацæуы бирæ адæм. Антон Беловы рагæй фæндыд машинæ скъæрынæн бардæттæг гæххæттытæ райсын. Йе рдхæрдты амындмæ гæсгæ бацыд ацы автоскъоламæ. Æмæ нæ фæсмон кæны. Йæ зæрдæмæ тынг цæуы. Фæлтæрдджын ахуыргæнджытæй дарддæр дзы ис стыр автопарк, тренажертæ æмæ автодром. Фынддæс специалисты сын æххуыс кæнынц хорз зонындзинæдтæ райсынæн теорийæ æмæ практикæйæ. Ис сæм фæлтæрдджын дохтыр. Хæстæгдæр фидæны ма автоскъоламæ фæнд кæнынц интерактивон фæйнæджытæ балхæнын, стæй ахуырты рæстæг фæфылдæр кæнын. Ныртæккæ Дзæуджыхъæуы æдæппæтæй ис 15 автоскъолайы, фæлæ се ппæт дæсны шофырты нæ цæттæ кæнынц. Амæй фæстæмæ ног программæмæ гæсгæ чи нæ куса, уыдонæн сæ дарддæры куыстæн лицензитæ нал дæтдзысты.