Уый агъоммæ бон та республикæйы 6 районы уыдзæн профиориентацион фембæлдтытæ
12-æм апрелы Цæгат Ирыстоны уыдзæн куысты бынæтты æппæтуæрæсеон армукъайы регионалон къæпхæн. Уый агъоммæ бон та республикæйы 6 районы уыдзæн профиориентацион фембæлдтытæ. Армукъа йæхæдæг уыдзæн 3 фæзы – Дзæуджыхъæуы национ музейы, Æрыдоны районы культурæйы галуаны æмæ Мæздæджы районы культурæйы хæдзары. Профессионалон цæттæдзинады центры та уыдзæн профориентацион фембæлдтытæ. Кусдзæн дзы 9 секцийы. Профилон республикон комитеты куыд загътой, афтæмæй армукъа у, куыст чи дæтты, æмæ куыст чи агуры, уыдонæн комкоммæ аныхас кæныны хорз фадат. Мадзалы уыдзæн 60 куыстдæттæгæй фылдæр. Сæ хыгъды – нæ республикæйы минæвæрттæ, он-лайн хуызы архайдзысты, иннæ регионтæй куысты бынæттæ чи æрвиты, уыдон дæр. Армукъайы федералон этап уыдзæн 28-æм июны.