Уæлахиздзауты хсæн – Мæскуыйы театр «Ромэн»-ы артисттæ Николай Лекарев æмæ Мадина Дубаева, стæй зарæггæнæг Лилия Замулина
«Да здравствует Россия!». Ахæм сæргондимæ 12-æм июны йæ тыхы бацыд музыкалон онлайн-марафон. Архайджыты хъуыд Сергей Найдун æмæ Владимир Ильичевы зарæг «Да здравствует Россия» азарын æмæ йæ арвитын жюрийы размæ. Патриотон марафоны архайыны бар уыдис алкæмæн дæр. Хъуыди æрмæстдæр марафоны сæрмагонд сайты регистраци скæнын. Уæлахиздзауты хсæн – Мæскуыйы театр «Ромэн»-ы артисттæ Николай Лекарев æмæ Мадина Дубаева, стæй зарæггæнæг Лилия Замулина. Аргъ сын кодтой Александр Маршал, Игорь Бутман, Александр БрЫский æмæ Сергей Волчков. Уæлахиздзауты хсæн ис æвзонг зарæггæнджытæ дæр Уæрæсейы алы регионтæй. Ацы зарæг сси бирæнацион адæмы иудзинады символ. Йæ руаджы марафоны архайджытæ бузныг загътой, сæрмагонд æфсæддон операцийы чи архайы, уыдонæн.
