Фæрæзтæй спайда кæндзысты компенсацитæ æмæ пособитæ фидынæн
128 милуан сомы республикæ радих кæндзæн социалон æххуысы мадзæлттæн. Фæрæзтæй спайда кæндзысты компенсацитæ æмæ пособитæ фидынæн. Ууыл ныхас цыд Цæгат Ирыстоны Парламенты æмбырды. Боны фæткы уыд æрмæстдæр иу фарста, æмæ баст уыд республикæйы бюджетимæ 2023-æм, стæй 2024-25-æм азтæм. Парламенты уæнгтæн радзырдтой хæрдзты статьяйы ивддзинæдты тыххæй. Бæлвырддæр та закъоны проектмæ гæсгæ, 300 милуан сомы радих кæндзысты, сæрмагонд æфсæдон операцийы чи фæмард, уыцы æфсæддонты æмæ бархионты, стæй чи фæцæф, уыдоны бинонтæн материалон æххуысæн. 64 милуан сомы ратдзысты хицæн категориты адæмæн льготæтæм гæсгæ хостæ дæттынæн. 53 милуаны та радих кæндзысты скъолаты бындурон цалцæгæн. Закъон сфидар кодтой, фылдæр хъæлæстæм гæсгæ. Проект бацæттæ кодтой, республикæйы ацы азы бюджеты хъалонты æмæ æнæхъалон æфтиæгтæм гæсгæ. Парламенты æмбырды ма стыр æргом аздæхтой чысылмобилон адæмæн уавæртæ аразынмæ. Бæлвырддæр та ныхас цыд ууыл, цæмæй куыд хуыздæр гæнæн уа, афтæ, йе нæниздзинад хъыгдард кæмæн у, уыцы адæмæн уавæртæ арæзт æрцæуой æнæниздзинадхъахъхъæнынады уагдæтты.
