Ацы аз уыдзæн 11-æй 14-æм августы онг Дæргъæвсы
150 адæймагæй фылдæр балæвæрдтой курдиæттæ студентон æмбырд «Æрыгон»-ы архайынмæ. Ацы аз уыдзæн 11-æй 14-æм августы онг Дæргъæвсы. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Архайдзысты дзы студенттæ Мæскуыйæ, Владивостокæй, Санкт-Петербургæй, Ростов-на-Донуйæ æмæ Уæрæсейы иннæ горæттæй. Сты – Цæгат æмæ Хуссар Ирыстонæй рацæугæ, фæлæ ахуыр кæнынц республикæтæй дарддæр. Фæсивæдæн бацæттæ кодтой цымыдисаг программæ: лекцитæ, тренингтæ, зындгонд спортсментимæ, культурæйы архайджытимæ, сæрмагонд операцийы архайджытимæ, амалхъом адæмимæ, блогертимæ фембæлдтытæ. Сæйрагдæр та у, æрыгон фæлтæрæн кæрæдзиимæ æмæ райгуырæн зæххимæ хæстæгдæр базонгæ уæвыны фадат кæй уыдзæн, уый. Ацы мадзал арæзт цæуы 2-аг хатт.
