Уый тыххæй Указ бафыста Уæрæсейы Президент Владимир Путин
166-æм мысанæхсæн полкæн лæвæрд æрцыд Советон Цæдисы дыууæ хатты Хъæбатыр, æфсады инæлар Плиты Иссæйы кадджын ном. Уый тыххæй Указ бафыста Уæрæсейы Президент Владимир Путин. Нæ бæстæйы Сæргълæууæг зындгонд æфсæддон разамонæджы ном раттыны хъæппæрис расидт, цæмæй хæстонтæ дæнцæгæн исой Плиты Иссæйы. Уый хуызæн уарзой Фыдыбæстæ, æвдисой лæгдзинад æмæ æххæст кæной æфсæддон хæс. Йæ телеграм – каналы Цæгат Ирыстоны Сæргълæууæг Сергей Меняйло Владимир Путинæн загъта бузныджы ныхæстæ, ахæм кады нысаны тыххæй. Стæй ма загъта, Плиты Иссæйы ном сызгъæрин дамгъæтæй фыст кæй æрцыд нæ Фыдыбæстæйы историйы. Уыд зындгонд æфсæддон разамонæг æмæ дипломат, не руагъта ядерон хæст Карибаг ныхмæлæуддзинады рæстæг. Тынг кадджын у ныртæккæ дæр, Иссæйы номыл полчы службæ кæнын, – загъта республикæйы разамонæг.
