Фæдзæхстадон гарантитæ — 16 млн æмæ 510 мин сомы ма райстой, коронавирусæй чи амарди, ахæм медицинон кусджыты 6 бинонтæ
Цæгат Ирыстоны 1808 медицинон кусæджы райстой фиддонтæ, сæ профессионалон хæстæ æххæст кæнгæйæ, коронавирусæй кæй фæрынчын сты, уый тыххæй. Фиддонтæ сын фыст цæуынц Уæрæсейы Президенты уынаффæмæ гæсгæ. Сæрмагондæй уыцы нысантæн радих кодтой 24 милуаны æмæ 410 мин сомы. Фæдзæхстадон гарантитæ — 16 млн æмæ 510 мин сомы ма райстой, коронавирусæй чи амарди, ахæм медицинон кусджыты 6 бинонтæ. Уый тыххæй оперативон штабы радон æмбырды фехъусын кодта социалон фæдзæхстады фонды регионалон хайады разамонæг Айларты Зæлинæ. Штабы æмбырдæн видеоконференцийы хуызы разамынд лæвæрдта Битарты Вячеслав. Уæвгæ, фæстаг рæстæг рынчынты нымæц кæй рæзы, уымæ гæсгæ бæстæйы Президенты Указ æххæст кæнгæйæ медицинон кусджытæн фиддонтæ фæдæргъвæтиндæр кодтой. Уыимæ ма сæ фиддзысты ног схемæмæ гæсгæ.
Битарты Вячеслав медицинон куыстуæттæн бабар кодта, дарддæр дæр æнгом æмгуыстад кæнын фондимæ, цæмæй фиддонтæ афоныл фыст цæуой, уый тыххæй. Æмбырды кæронбæттæн сæйраг дохтыртæ радзырдтой сæ бæрны куыстуæтты архайды тыххæй.
