Уыдон сты, республикæйы мидхъуыддæгты министрадмæ æххуысагуыр чи бацыди, уыцы адæм
1906 адæймаджы ивгъуыд азы сайд баййæфтой цæстфæлдахджытæй. Уыдон сты, республикæйы мидхъуыддæгты министрадмæ æххуысагуыр чи бацыди, уыцы адæм. Ацы бæрæггæнæнтæ брифинджы рæстæг фехъусын кодтой мидхъуыддæгты министрады минæвæрттæ. Куыд рабæрæг, афтæмæй фарон фыдгæнджытæй фылдæр хъыгдард баййæфтой сылгоймæгтæ. 2022-æм азы та нæлгоймæгтæ. Национ банчы цæгатирыстойнаг хайады разамонæг Дзиуаты Иринæ куыд загъта, афтæмæй статистикæ скодтой цæрджыты æрфарсты бæрæггæнæнтæм гæсгæ, архайдта дзы 400 адæймаджы. Дзиуаты Иринæ ма радзырдта, цæстфæлдахджыты ныхмæ куыд тох кæндзысты, уый. Кæд адæймаг фæрæзтæ дызæрдыггаг хыгъдмæ барвита, уæд æй специалисттæ сæхгæндзысты дыууæ бонмæ. Уый фæстæ, хъуыддаг иртасдзысты дарддæр. Ацы системæ кусын райдайдзæн ацы азы июлæй фæстæмæ.
