Æфсæддон-спортивон лагерь «Балц»-ы æмæ фæсивæдон лагерь «Хохаджы» ацы аз сæ фæллад суагътой 500 чызджы æмæ лæппуйы. Ацы бонты ма дзы сты, фæстаг фæлтæрмæ чи æрбацыд,
Æфсæддон-спортивон лагерь «Балц»-ы æмæ фæсивæдон лагерь «Хохаджы» ацы аз сæ фæллад суагътой 500 чызджы æмæ лæппуйы. Ацы бонты ма дзы сты, фæстаг фæлтæрмæ чи æрбацыд, уыцы 120 сывæллоны. Лагермæ æрбахонынц сидзæр сывæллæтты, стæй чысыл æфтиаг кæмæ хауы, ахæм бинонты цоты. Уыдонæй бирæтæ сæ фидæны дæсныйад сбæттынц æфсæддон тыхтимæ. Бирæтæ сахуыр кæнынц Уæрæсейы æфсæддон ахуыргæнæндæтты æмæ свæййынц афицертæ.
Ацы бонты та «Балц»-ы 3-аг фæлтæры курсанттæн уыд ард бахæрыны кадджын мадзал. Арæзт æрцыд бæрæгбоны программæ дæр, баст уыд æфсæддон дæсныйадимæ. Лæппутæ æвдыстой бæлвырд рæстæгмæ гæсгæ Калашниковы автомат æмæ Макаровы дамбаца чи тагъддæр райхалдзæн æмæ сæмбырд кæндзæн, уый. Дугъ кодтой цæлхдурты сæрты фæндагыл. Уымæй уæлдай ма равдыстой фыдбылызы бахауæг адæймагæн фыццаг медицинон æххуыс куыд кæнгæ у, уый дæр.
Ерысты бæрæггæнæнтæм гæсгæ хуыздæр взводæн бар уыдзæн æфсæддон-спортивон лагерь «Балц»-ы тырыса йæхимæ дарын æмæ 1-аг посты рад хæссын.
Хатдзæгтæм гæсгæ уыцы кады аккаг сси 2-аг взвод, йæ сæргъы Баситы Алан, афтæмæй.
Ардхæрды бæрæгбоны архайдтой лагерь «Хохаджы» хъомылгæнинæгтæ дæр.
