Экономикон райрæзты аз. Афтæ Æфснайæн банчы Цæгаткавказаг филиалы сæрдар Петр Колтыпин схуыдта 2012-æм аз.
Архадтой дзы Цæгат Кавказы æппæт субъекттæ. Петр Колтыпин куыд загъта, афтæмæй банк фарон бакуыста 12 миллиард сомæй фылдæр. Регионы цæрджытæн кредиттæ радтой 46 миллиард сомæн. Æфснайæн банк финансон æххуыс кæны стыр инвестицион проекттæн хъæууон хæдзарады æмæ арæзтады къабæзты. Зынгæ фенцондæр адæмæн лæггад кæныны куыст дæр. Филиалтæн сæ фылдæр хай æххæстгонд у электрон хуызы рады лæууыны ифтонггæрзтæй. Уый руаджы фæкъаддæр æнхъæлмæ кæсыны рæстæг. Æфснайæн банчы цæгатирыстойнаг хайадæн дæр 2012-æм аз уыд æнтыстджын. Сæ архайд ахадгæ уыд кусджыты зонындзинæдтæ фылдæр кæныны хъуыддаджы. Ацы аз республикæйы байгом уыдзæн цалдæр офисы. Февралы та Дзæуджыхъæуы фæзындзæн ног хуызы филиал. Аивдзæн лæггад кæныны фæтк. Ныр адæмæн банчы кусджытимæ сæ бон уыдзæн комкоммæ дзурын, иу стъолы уæлхъус бадгæйæ.
