17-аздзыд Янæмæ рабæрæг уæззау низ – «спинальный инфаркт». Низы аххосаг цы у, уый сбæрæг кæнæн нæй. Ныртæккæ Янæйæн йæ бон нæу бадын æмæ цæуын. 3 мæйы чызг уыдис Мæскуыйы рынчындоны.
17-аздзыд Янæмæ рабæрæг уæззау низ –
«спинальный инфаркт». Низы аххосаг цы у, уый сбæрæг кæнæн нæй.
Ныртæккæ Янæйæн йæ бон нæу бадын æмæ цæуын. 3 мæйы чызг уыдис Мæскуыйы
рынчындоны. Фæлæ йе нæниздзинад нæ фæхуыздæр. Ныртæккæ Янæ ис Германийы,
Мюнхены клиникæйы. Дохтыртæ куыд загътой, афтæмæй дæргъвæтин
реабилитаци ацæуынæн горæт Мурнауы клиникæйы бахъæудзæн 3 милуан сомы.
Æхца арвитын хъæуы ног къуыри. Фæлæ ахæм фæрæзтæ бинонтæм нæй. Хъуыддаг
ма къуылымпы уый кæны, æмæ æхцатæ хъæуы иууылдæр иумæ радтын. Цæмæй
Янæйæн баххуыс кæной, уый тыххæй кæм ахуыр кодта, уыцы скъолайы
ахуыргæнджытæ, стæй йе мкъласонтæ сарæзтой алыхуызон акцитæ. Ахуырдзаутæ
картон къоппыты æмбырд кæнынц æхца, бацæттæ ма кодтой Янæйы тыххæй
информаци фыст кæм ис, ахæм сыфтæ дæр. Уыдон та байуардзысты горæты
цæрджытыл. Фехъусын кодтой Дзæуджыхъæуы иннæ скъолатæн дæр. Стыр æххуыс
кæнынц Горæтгæрон районы администрации дæр, уым кусы Гæджынаты Янæйы
мадымад. Ацы хъуыддагмæ се ххуысы хай хæссынц районы æппæт скъолатæ,
рæвдауæндæттæ, цæрджытæ.
Брытъиаты Ритæ, Дзæуджыхъæуы 5-æм
гимназы ахуыргæнæг: «Мах фæнды Янæйæн тынг баххуыс кæнын, уымæн æмæ
йæхæдæг у тынг зæрдæргъæвд, хæрзæгъдау, хæларзæрдæ адæймаг, рухс адæймаг
кæй фæхонынц, ахæм. Махæн тынг æхсызгон у, скъолайы сывæллæттæ иууылдæр
кæй бамбæрстой Янæйы уавæр æмæ йæ бон кæмæн куыд у, афтæ архайы баххуыс
кæнынмæ».
Хъæцмæзты Зауыр, Дзæуджыхъæуы 5-æм
гимназы ахуырдзау: «Куы базыдтам, ахæм æнæнхъæлæджы хабар йыл æрцыди,
уæд тыхстыстæм, æмæ хъуыды кодтам, куы уыдзæн, ууыл. Нæ бон цы уыди, уый
райдыдтам æххуыс кæнын, сыфтæ аразын. Информации нæм цы уыди, уый цæмæй
адæммæ бахæссæм, цæмæй фылдæр адæм баххуыс кæна».
