филиал вгтрк государственная телерадиовещательная компания “Алания”

Хатдзæгтæ дзы скодтой дыууæ мины цыппæрдæсæм азы фыццаг æмбисы куыстæн. Æмбырды архайдтой Парламенты Сæрдар Алексей Мачнев, Хицауады сæрдары хæдивæг Зæнгионты Виталий, прокуратурæйы, слестгæнæн комитеты, æдасдзинады Федералон службæйы, Сæйраг тæрхондоны, наркотикты зилдухмæ цæстдарды управленийы минæвæрттæ, æхсæнадон советы æмæ мидхъуыддæгты ветеранты организацийы уæнгтæ. Афæдзы фыццаг æмбисы куысты хатдзæгтыл бæстон æрдзырдта мидхъуыддæгты министр Артур Ахметханов. Стыр æргом аздæхта фидæны нысантыл дæр. Барадхъахъхъæнджыты куыст ахадгæйыл банымадтой Алексей Мачнев æмæ Зæнгионты Виталий. Парламенты спикеры хъуыдымæ гæсгæ бирæ фарстатыл кусын хъæуы иумæйагæй. Зæгъæм, æнахъом сывæллæтты хъомыладыл.