филиал вгтрк государственная телерадиовещательная компания “Алания”

Æхцайы æвæрæнтæ фæдзæхсыны агентад фехъусын кодта банктæ-агенттæ сбæлвырд кæныны конкурсы тыххæй хатдзæгтæ. Афтæ «Диг-Банчы» æхца кæмæн уыд, уыцы адæмæн сæ ныр бафиддзæн «Уæрæсейы хъæууонхæдзарадон банк». 

Бæлвырддæр информаци бакæсæн ис фæдзæхстыты агентадæн йæхи официалон сайты. Уым фыст ис, зæгъгæ фæдзæхст æхцатæ фидын райдайдзысты 7-æм июлæй фæстæмæ. Уæлæмхасæн хъусынгæнинаг ма ам фæзындзæн 4-æм июлы онг. Уый фæстæ та йæ бакæсæн уыдзæн газеттæ «Северная Осетия»-йы æмæ «Московская правда»-йы. Уæ зæрдыл уын æрлæууын кæндзыстæм, коммерцион «Диг-Банкæн» йæ лицензи ист æрцыд къуыри размæ. Æхцайы æвæрæнты фæдзæхсыны агентад сæ фæстæмæ бафиддзæн, йæ хыгъды 700 мин сомæй фылдæр кæмæн нæ уыд, æрмæстдæр уыцы адæмæн.