Алы организацийы дæр æнæмæнг хъуамæ уой сигнализацийы системæтæ, зынгхуыссынгæнæн кусæнгæрзтæ æмæ эвакуацион пълан, фæлæ уыцы домæнтæ æххæстгонд нæ цæуынц.
Алы организацийы дæр æнæмæнг хъуамæ уой сигнализацийы системæтæ, зынгхуыссынгæнæн кусæнгæрзтæ æмæ эвакуацион пълан, фæлæ уыцы домæнтæ æххæстгонд нæ цæуынц.
Æнæнхъæлæджы уавæрты министрады зынгхуыссынгæнæн хайады кусджытæ бæрæг кæнынц бæстыхæйтты уавæр. Домæнтæн дзуапп чи нæ дæтты, уыцы объекттæ сты 27.
Электрон телтæ хъуамæ уой нывыл конд, зынгсирвæзтыты ныхмæ домæнтæ æххæстгонд, бæстыхæйтты эвакуацион фæндæгтæ æнцон арæн æмæ сыгъдæг…… Ацы æмæ æндæр домæнтæ хъуамæ æнæмæнг æххæстгонд цæуой алы бæстыхайы дæр. «Хъагæгæн, уавæр у хуыздæрхъуаг. Уæлдайдæр та æмдзæрæнты» – зæгъынц æнæнхъæлæджы уавæрты министрады зынгхуыссынгæнæн хайады. Ныртæккæ сæ хыгъды ис 27 объекты. Уыдонæн се рдæгæй фылдæр сты, студенттæ кæм цæрынц, ахæмтæ.
Ацы бонты хайады кусджытæ æрзылдысты æмдзрæнтыл. Дæнцæгæн, æфсæнвæндаджы техникумы æмдзæрæн ис хуыздæрты хсæн. Æппæт домæнтæ дæр дзы æххæстгонд æрцыдысты.
Цæллаты Ольгæ, Дзæуджыхъæуы æфсæнвæндаджы техникумы хицауы хæдивæг: «Махмæ бæрзонд æмвæзадыл æвæрд сты æдасдзинады домæнтæ. Уæлдайдæр та æмдзæрæны. Студенттæ ам бирæ рæстæг вæййынц, мах бæрны сты æмæ сæ адасдзинад махæй æмæ сæхицæй аразгæ у. уымæ гæсгæ сын амонæн алцыдæр, æмбарын кæнæм бæлвырд æгъдæуттæ куы не ххæст кæной, уæд цавæр фæстиуджытæм расайдзысты, уый. Студенттæн фыццаг курсæй фæстæмæ амонæм æдасдзинады домæнтæ. Ахуыр сæ кæнæм зынгхуыссынгæнæн техникæйæ пайда кæнын æмæ эвакуацтон фæндæгты пълан зонын. Иумæйаг ахуыртæ та сын саразæм афæдз 2 хатты».
Специалисттæ ма сбæрæг кодтой куырмыты æмдзæрæн. Ацы бæстыхайы сигнализаци дæр нæй. Эвакуацион пълан конд у, куыд не мбæлы, афтæ. Æнæнхъæлæджы уавæрты рæстæг кæуылты цæуын хъæуы, уыцы рахизæнтæ байдзаг сты æнæхъæугæ дзаумæттæй. Æппæурæсеон куырмыты æхсæнады ахурадон-кусæн куыстуаты хицау Гæтциты Батрадз куыд зæгъы, афтæмæй сæм ис цехтæ. Кусынц дзы æвзæр чи уыны, уыцы адæм. Æмæ сæ бон куыд у афтæ архайæм. Кæнынц гобæттæ, хъæццултæ, базтæ. Хуыйынц хуыссæны цъæрттæ. Уæй сæ кæнынц æмæ цы райсынц, уыдон сæхи фæдарын фаг дæр нæ кæнынц. Ацы аз сæм цыдæр фтиæгтæ фæзынд æмæ баивтой бæстыхайы сæр, базылдысты агъуыстытæм. Сты паддзахады бæрны. Цы хца сын радих кæнынц, уыдон алцæй фаг нæ кæнынц. Сæ уавæр сын зынгхуыссынгæнджытæ æмбарынц, фæлæ домæнтæ æххæст кæнын хъæуы. Æмæ се ппæтæй дæр домынц, цæмæй сæм æнæмæнг уой сигнализацийы хъусынгæнæн системæтæ æмæ артхуыссынгæнæн кусæнгæрзтæ.
