Æнæниздзинадхъахъхъæнынады рацарæзты программæ сæххæст кæнынæн Цæгат Ирыстонæн федералон бюджетæй дихгонд æрцыд 2 миллиард сомы.
Куыд æмæ цæуыл – ууыл ныхас цыд программæмæ цæстдарæг ведомствæты хсæн къамисы æмбырды. Амыдта йæ хицауады сæрдар Такъоты Сергей.
Æнæниздзинадхъахъхъæнынады министр Владимир Селиванов йæ доклады куыд загъта, афтæмæй программæйы æххуысæй цалцæггонд æрцыд тагъдæххуысы клиникон рынчындон, цалцæг кæнынц республикон клиникон рынчындоны арæндон æмæ сывæллæтты рынчындоны хирургион хайад.
Æмбырды сбæлвырд кодтой, объекттæ кæд хъуамæ сцæттæ уой, уый. 15 июнмæ хъуамæ скусой Беслæны арæндон, стæй Æрæфы æмæ Æрыдоны районты рынчындæттæ.
Такъоты Сергейы ныхæстæм гæсгæ, цавæрдæр аиппытæ сбæрæг кодтой, фæлæ ‘хца æнæзакъонæй хардзгонд нæ цæуынц.