Æнæниздзинадхъахъхъæнынады объекттæ абон бабæрæг кодтой æнæнхъæлæджы уавæрты министрады кусджытæ. Уыдысты 2 медицинон кусæндоны. Эндокринологийы диспансеры зынгсирвæзтытæ не ‘руадзыны домæнтæ æххæстгонд цæуынц, куыд æмбæлы
Æнæниздзинадхъахъхъæнынады объекттæ абон
бабæрæг кодтой æнæнхъæлæджы уавæрты министрады кусджытæ. Уыдысты 2
медицинон кусæндоны. Эндокринологийы диспансеры
зынгсирвæзтытæ не ‘руадзыны домæнтæ æххæстгонд цæуынц, куыд æмбæлы,
афтæ. Реабилитацийы республикон центры та ис бирæ лыггæнинаг фарстатæ.
«Æрвылаз республикæйы арæзт цæуы
профилактикон операци «Æнæниздзинадхъахъхъæнынад». Æнæнхъæлæджы цауты
министрады кусджытæ фæбæлвырд кæнынц медицинон объектты уавæр. Ацы азы
райдианæй рабæрæг кодтой 1 мин æмæ 500 домæны æххæст кæй не рцыдысты,
уый. Абоны онг уыдонæн аиуварс кодтой æрмæст се 60 проценты».
Реабилитацийы республикон центр у,
зынгсирвæзтыты æдасдзинады домæнтæм гæсгæ æнæниздзинадхъахъхъæнынадыны
объект хъуамæ цавæр ма уа, уый дæнцæг. Электрон тыхы телтæ куыд æмбæлы,
афтæ æхгæд не сты, нæй зынгсирвæзтыты сигнализаци, хъармгæнæн ис
бæстыхай пъадвалы. Ахæм уавæры аххосаг у, æхца кæй нæй, уый, зæгъы
сæйраг дохтыры хæдивæг Александр Сюняев.
Александр Сюняев, Реабилитацийы
республикон центры сæйраг дохтыры хæдивæг: «Æнæниздзинадхъахъхъæнынады
министрады ахæм фæрæзтæ нæй. Бирæ хатт æрвыстам курдиаттæ. Нæхи тыхтæй
нæ бон цы у, уый кæнæм: æрцауыгътам артхуыссынгæнæнтæ, æмбæлгæ
документаци бацæттæ кодтам, снысан кодтам рацæуæнтæ. Иннæ хъуыддæгтæн та
нæм æхца нæй».
Бынтон ныхмæвæрд уавæр ис
эндокринологийы диспансеры. Æнæнхъæлæджы уавæрты министрады кусджыты
дисы бафтыдта. Бæстыхай æппæт домæнтæн дæр дзуапп дæтты. Фæлæ, хъыгагæн,
ахæм дæнцæгтæ республикæйы бирæ нæй.
Таутиаты Сослан – Дзæуджыхъæуы
Ирыстойнаг районы цæстдарæн хайады хицау: «Се ппæт медицинон объекттæ нæ
республикæйы æдасдзинады домæнтæ не ххæст кæнынц. Афтæ нæ зæгъын, æмæ
æнæниздзинад хъахъхъæныны министрад ницы кусы, фæлæ сæм, æвæццæгæн, фаг
фæрæзтæ нæ хауы, цæмæй уыцы объекттæ куыд æмбæлы, афтæ скæной, уымæн».
Æнæнхъæлæджы уавæрты министрады
цæстдарды управленийы бакуыстой сæрмагонд республикон программæйыл
«Зынгсирвæзтыты æдасдзинад». Архайдзæн 5 азы. Царды йæ рауадзынæн хъæуы
450 милуан сомæй фылдæр. 170 милуаны бæрц дзы схардз кæндзысты
æнæниздзинадхъахъхъæнынады объектты уавæр фæхуыздæр кæнынæн.
Хъайтмазты Дзерассæ
