Архайынц дзы ахуыргæндтæ Италийæ, Украинæйæ, Францийæ, Великобританийæ, Венгрийæ æмæ Уæрæсейæ.
Специалистты сæйраг фæндон у, 20 азы размæ ирон адæмы хæзнатæ цы экспедици иртæста, уый куыст сног кæнын.
Специалистты сæйраг фæндон у, 20 азы размæ ирон адæмы хæзнатæ цы экспедици иртæста, уый куыст сног кæнын. Уæд, 90-æм азты ацы хъуыддагæн бындур сæвæрдта æхсæнадон æмæ политикон архайæг Таболты Солтанбег. Проект баст уыд скифаг-алайнаг иртæстытимæ, æххæстгонд цыд Европæйы наукон æхсæнад æмæ ЮНЕСКО-йы æххуысæй. Йæ сæйраг нысан уыд алайнаг культурæ бæстæйы адæмты традициты куыд ахады, уый сбæрæг кæнын. Ацы хъуыддаг 20 азы фæстæ сног кæныны фæнд разынд республикæйы парламенты наукæйы, ахуырады æмæ информацион политикæйы комитеты уæнгтæм, сæ сæргъы Таболты Тамарæ, афтæмæй.
Цуциты Аслан, ЦИПУ-йы историкон факультеты декан: «Экспедицийы ном иронау уыдзæн «Аланты фæндаг». Тынг агуырдтам ахæм рæсугъд ном, æмæ нæ бон ссарын нæ уыдис. Абайты Васойы чиныджы иу æрмæг фæвæййы ахæм ныхæстæй, «VIA-ALANICA», зæгъгæ. Уыцы ныхас куы ссардтон, уæд æй Солтанбегмæ равдыстон, æмæ тынг бацин ахæм цыбыр æмæ рæсугъд ныхас кæй ссардтам. Уæд баныхас кодтам, нæ наукон-иртасæн экспедици ахæм ном кæй хæсдзæн, ууыл».
